Boks bo‘yicha super o‘rta vazn toifasi mutlaq chempioni Saul Alvares (57-2-2, 39 KO) va Gennadiy Golovkin (42-1-1, 37 KO) o‘rtasidagi jang sanasi ma’lum bo‘ldi. Bu haqda Matchroom ma’lum qildi.
Jang 17-sentabr kuni Las-Vegasdagi (AQSH, Nevada shtati) T-Mobile arenasida bo‘lib o‘tadi. Aynan shu yerda bokschilar oldingi ikki jangini o‘tkazgan.
Birinchi jang 2017-yil 16-sentabrida tashkil etilgan, unda durang qayd etilgan. Ikkinchi jang esa 2018-yil 15-sentabrda bo‘lib o‘tgan. Unda Saul Alvaresning qo‘li baland kelgan.
“Kanelo” so‘nggi jangini 8-may kuni og‘ir vazn toifasida WBO kamari sohibi Dmitriy Bivolga (20-0, 11 KO) qarshi o‘tkazib, mag‘lub bo‘lgandi.
“GGG” esa 9-aprel kuni WBA chempioni yaponiyalik Riota Murata (16-2, 13 KO) bilan birlashtiruvchi jangda ringga ko‘tarilgan. Jangda qozog‘istonlik bokschi ustunlikka ega bo‘lgan va 9-raundda texnik nokaut evaziga g‘alaba qozongan.
Izoh (0)