Iyun oyida Rossiya mehnat bozoridagi keskinlik asta-sekin o‘sib bormoqda. Bu haqda mamlakat mehnat vaziri Anton Kotyakov ma’lum qildi.
Vazirning qayd etishicha, 1-martdan 1-iyungacha Rossiyada har oyda 660-680 ming ishsiz odam ro‘yxatga olingan.
Bu Rossiya iqtisodiyoti uchun juda past ko‘rsatkichdir. Iyun oyidayoq bandlikka ko‘maklashish markazlarida ro‘yxatga olingan ishsizlar soni ma’lum darajada oshganini kuzata boshladik, — dedi vazir.
Uning so‘zlariga ko‘ra, mehnat bozori asosan xorijiy kompaniyalar tomonidan bosim ostida. Rossiya mehnat bozoriga bu bosim hukumat tomonidan qo‘shimcha choralar ko‘rilgan mart—aprel oylarida boshlangan.
Iqtisodiy rivojlanish vazirligi rahbari Maksim Reshetnikov tushuntirganidek, mehnat bozoridagi vaziyat hali ham barqaror, ammo bunga aldanmaslik kerak. Agar talab inqirozi davom etsa, korxonalar ishchilar sonini qisqartirishga majbur bo‘ladi.
Ayni paytda, ular qayta konfiguratsiyani kutib, shunchaki pul yo‘qotishmoqda, — dedi u.
Strategik tadqiqotlar markazi ma’lumotlariga ko‘ra, xorijiy biznes Rossiyada 2 million ish o‘rni yaratgan, yana 4-6 million kishi u bilan bilvosita bog‘langan.
Jami 350 ming kishini ish bilan ta’minlagan xorijiy kompaniyalar faoliyatining to‘xtatilishi munosabati bilan iyun oyi boshida 120-150 ming kishi amalda ishsiz qolgan.
Izoh (0)