Россияда ишсизлар сони ортиб бормоқда

Июнь ойида Россия меҳнат бозоридаги кескинлик аста-секин ўсиб бормоқда. Бу ҳақда мамлакат меҳнат вазири Антон Котяков маълум қилди.

Вазирнинг қайд этишича, 1 мартдан 1 июнгача Россияда ҳар ойда 660-680 минг ишсиз одам рўйхатга олинган.

Бу Россия иқтисодиёти учун жуда паст кўрсаткичдир. Июнь ойидаёқ бандликка кўмаклашиш марказларида рўйхатга олинган ишсизлар сони маълум даражада ошганини кузата бошладик, — деди вазир.

Унинг сўзларига кўра, меҳнат бозори асосан хорижий компаниялар томонидан босим остида. Россия меҳнат бозорига бу босим ҳукумат томонидан қўшимча чоралар кўрилган март—апрель ойларида бошланган.

Иқтисодий ривожланиш вазирлиги раҳбари Максим Решетников тушунтирганидек, меҳнат бозоридаги вазият ҳали ҳам барқарор, аммо бунга алданмаслик керак. Агар талаб инқирози давом этса, корхоналар ишчилар сонини қисқартиришга мажбур бўлади.

Айни пайтда, улар қайта конфигурацияни кутиб, шунчаки пул йўқотишмоқда, — деди у.

Стратегик тадқиқотлар маркази маълумотларига кўра, хорижий бизнес Россияда 2 миллион иш ўрни яратган, яна 4-6 миллион киши у билан билвосита боғланган.

Жами 350 минг кишини иш билан таъминлаган хорижий компаниялар фаолиятининг тўхтатилиши муносабати билан июнь ойи бошида 120-150 минг киши амалда ишсиз қолган.