2022-yilning yanvar—may oylarida O‘zbekiston xorijiy davlatlardan qiymati 320,5 million dollarga teng bo‘lgan 13,6 mingta yengil avtomobil import qilgan. Bu haqda “Daryo”ga Davlat statistika qo‘mitasi hisobotidan ma’lum bo‘ldi.
Natijada 5 oydan buyon avtomobillar importi o‘tgan yilning shu davriga nisbatan 2,1 barobar oshgan.
Shu bilan birga, may oyida mashina importi yil boshidan beri eng past ko‘rsatkichni qayd etib, 40,1 mln dollarga tushgan.
Taqqoslash uchun, yanvarda avtomobillar importi 65,7 million, fevralda 58,8 million, martda 64,8 million dollar, aprelda 91,1 million dollarni tashkil qilgan.
Yil boshidan beri O‘zbekiston avtomobil eksporti hajmi 110,5 mln dollarni tashkil etdi. Bu 2021-yilga nisbatan 28,5 foizga kam.
Shunday qilib, 5 oy yakuni bo‘yicha avtomobil importi eksportdan 210 million dollar — 2,5 martaga oshgan.
Shu tariqa, O‘zbekiston avtomobillarni sotishdan ko‘ra ko‘proq sotib olishda davom etmoqda.
Avvalroq Ukrainadagi urush O‘zbekiston avtomobil importiga qanday ta’sir o‘tkazgani haqida tahlil berilgan edi.
Izoh (0)