2022 йилнинг январь—май ойларида Ўзбекистон хорижий давлатлардан қиймати 320,5 миллион долларга тенг бўлган 13,6 мингта енгил автомобиль импорт қилган. Бу ҳақда «Дарё»га Давлат статистика қўмитаси ҳисоботидан маълум бўлди.
Натижада 5 ойдан буён автомобиллар импорти ўтган йилнинг шу даврига нисбатан 2,1 баробар ошган.
Шу билан бирга, май ойида машина импорти йил бошидан бери энг паст кўрсаткични қайд этиб, 40,1 млн долларга тушган.
Таққослаш учун, январда автомобиллар импорти 65,7 миллион, февралда 58,8 миллион, мартда 64,8 миллион доллар, апрелда 91,1 миллион долларни ташкил қилган.
Йил бошидан бери Ўзбекистон автомобиль экспорти ҳажми 110,5 млн долларни ташкил этди. Бу 2021 йилга нисбатан 28,5 фоизга кам.
Шундай қилиб, 5 ой якуни бўйича автомобиль импорти экспортдан 210 миллион доллар — 2,5 мартага ошган.
Шу тариқа, Ўзбекистон автомобилларни сотишдан кўра кўпроқ сотиб олишда давом этмоқда.
Аввалроқ Украинадаги уруш Ўзбекистон автомобиль импортига қандай таъсир ўтказгани ҳақида таҳлил берилган эди.
Изоҳ (0)