Osiyoda oziq-ovqat narxlari kelgusi oylarda yanada oshadi: Singapur, Janubiy Koreya va Filippinda eng keskin narxlar o‘sishini kutilmoqda. Bu haqda Bloomberg xabar berdi.
Nomura Holdings ma’lumotlariga ko‘ra, Yaponiyada oziq-ovqat narxi may oyida 5,9 foizga oshgan.
Global oziq-ovqat xarajatlari harakati va ularning Osiyodagi ta’siri o‘rtasidagi taxminan olti oylik kechikishni hisobga olgan holda, bu sur’at yilning ikkinchi yarmida tezlashishi kutilmoqda.
Xitoyning pandemiya blokirovkalari, Tailanddagi cho‘chqa isitmasi va Hindistonning jazirama to‘lqini kabi muammolar bunga sabab bo‘lmoqda.
Iste’molchilarning inflyatsiya haqidagi tasavvuriga oziq-ovqat kabi tez-tez sotib olinadigan mahsulotlar narxi kuchli ta’sir ko‘rsatadi va bu esa inflyatsiyaning oshishiga olib kelishi mumkin, — deyiladi hisobotda.
Inflyatsiya allaqachon don va yog‘, go‘sht, qayta ishlangan oziq-ovqat va hattoki ovqatlanish kabi boshqa toifalarga ham tarqalmoqda.
Agar davlatlar qimmat bug‘doyga muqobil variant izlasa va talab ortib ketsa, hozircha barqaror saqlanib qolgan ko‘p zaxirali guruch keyingi inflyatsiya nishoni bo‘lishi mumkin.
Bu Singapur kabi yirik oziq-ovqat importchilari uchun ogohlantiruvchi belgilar bo‘lib, oziq-ovqat inflyatsiyasi ikkinchi yarim yillikda 8,2 foizgacha ko‘tarilishi kutilmoqda.
Hindistonda esa xomashyo narxining oshishi tufayli 9,1 foizlik eng yuqori inflyatsiya kuzatilishi mumkin.
Avvalroq O‘zbekistonda go‘sht narxi o‘zgarishi nima bilan bog‘liqligi haqida xabar berilgandi.
Izoh (0)