Ijtimoiy tarmoqlarda Chorvoq suv ombori yuzasida chiqindilar suzib yurgani aks etgan videolavha tarqaldi. Holat Toshkent viloyati Ekologiya boshqarmasi xodimlari tomonidan o‘rganildi.
O‘rganishlar natijasida so‘nggi kunlarda yoqqan kuchli yomg‘ir oqibatida Chorvoq suv ombori havzasi va yuza qismiga har xil turdagi chiqindilar yig‘ilib qolgani aniqlangan. Hozirda chiqindilar maxsus texnika va qayiqlar yordamida tegishli tartibda bartaraf etilmoqda.
Favqulodda vaziyatlar vazirligi ma’lumotlariga ko‘ra, suv ustidagi chiqindilar, asosan, daraxtlar, novdalar va o‘simliklarning qismlaridan iborat. Bu massa tabiiy ravishda Chorvoq suv omboriga oqib tushadigan Pskom daryosi orqali tushgan. Ekologlarning fikriga ko‘ra, bu keng tarqalgan tabiiy hodisa hisoblanadi. Tegishli xizmatlar suv omborini chiqindidan tozalagan.
Izoh (0)