“Unga misli ko‘rilmagan siyosiy va iqtisodiy bosim o‘tkazildi”. Florentino Peres Mbappening barbod bo‘lgan transferi haqida

“Real” prezidenti Florentino Peres “PSJ” hujumchisi Kilian Mbappe va uning Madrid klubiga amalga oshmagan transferi haqida gapirdi.

“Real”ning eshiklari doim ochiqligi haqida

“Real Madrid” nimaligini tushunadigan va uning klubdan yuqori bo‘la olmasligini tushunadigan futbolchilar uchun Madrid eshiklari doim ochiq.

Mbappening yangi shartnomasi raqamlarini bilmasligi haqida

Unga ko‘proq siyosiy bosim ta’sir qildi. Vahimaga tushganingizda, sizni vahimadan xalos etadigan yo‘lni tanlaysiz. U vahimaga tushib qolgandi.

U pulni tanladimi? Nafaqat, balki qulay yo‘l va klubdagi yangi rolni ham tanladi.

Mbappening fikrini nima o‘zgartirgani haqida

Mbappening fikri bir sababga ko‘ra o‘zgardi. Unga iqtisodiy bosim bilan mustahkamlangan misli ko‘rilmagan siyosiy bosim o‘tkazildi.

Siyosiy bosim haqida

Ispaniya qirolining istalgan futbolchiga bosim o‘tkazish uchun qo‘ng‘iroq qilishini tasavvur qila olamizmi? Mbappe ikki davlat tomonidan bosim ostida qoldi va uni chalkashtirib yuborishga muvaffaq bo‘lishdi.

Ammo takror aytaman — biz ko‘rgan Mbappe Madridga kerak emas. Mbappening Fransiya federatsiyasi bilan imij huquqi bo‘yicha muammolari borligini bilganimda hayratda qoldim. Bu avvalgi, mening Mbappemga o‘xshamasdi.

Fransiya prezidentining Mbappega o‘tkazgan bosimi haqida

Biz Makron Mbappega doimiy ravishda qo‘ng‘iroq qilib, aloqada bo‘lib turganini bilamiz. U bosim o‘tkazdi.

Mbappe unga qarorini shaxsan o‘zi aytgani haqida

Mbappe o‘z qarori haqida shaxsiy xabar orqali ma’lum qildi, ammo o‘shanda menga baribir edi. Hech kim bizning klubdan yuqori bo‘la olmaydi.

Hamon Mbappeni yaxshi ko‘rishi haqida

Mbappeni hali ham yaxshi ko‘raman, lekin oxirgi paytlarda uni men “Real Madrid”ga olib kelmoqchi bo‘lgan o‘yinchi sifatida ko‘rmayapman.

Hech bir o‘yinchi hech qachon “Real”dan yuqori bo‘la olmaydi.

Nima uchun Mbappe bilan 2022-yilning yanvarida shartnoma imzolanmagani haqida

Yanvarda u bilan shartnoma imzolay olmasdik. Bu uchun har ikki tomonning roziligi talab qilinardi.

Transferning amalga oshmagani muxlislarni ranjitgani haqida

Muxlislarning hafsalasi pir bo‘ldi, buni tushunaman. Lekin u endi men “Real”ga olib kelmoqchi bo‘lgan Mbappe emas. Menimcha, u bosim tufayli fikrini o‘zgartirdi, lekin agar haqiqatan ham shunday bo‘lsa, “PSJ”da qolaversin.

“Real”ga o‘tish — Mbappening orzusi deb o‘ylagani haqida

“Real” — Mbappening orzusi ekanligiga ishongandim. Onasi ham bu transferga rozi deb o‘ylagandim, chunki u o‘g‘lining orzusini bilardi. 3 yildan keyin nima bo‘ladi? Uzoqni ko‘ra olmaymiz.

Sizga shuni aytmoqchimanki, bu endi men klubga olib kelmoqchi bo‘lgan Mbappe emas.

Mbappening sotqin emasligi haqida

Mbappe sotqinmi? Menimcha, bu masalani bu tarzda ko‘rib chiqish noto‘g‘ri. U hech kimga xiyonat qilmadi. Lekin haqsiz. Biz buni kutmaganimiz aniq. Mbappe o‘z orzusini sotdi.

Kilianning kelajakda “Real” kelish ehtimoli haqida

Mbappe hozir “PSJ” futbolchisi. Bir necha yil ichida nimalar bo‘lishi mumkinligini ko‘ramiz. Biz har doim tarkibimizni yaxshilashni xohlaymiz.

Florentino Peres, “Real” prezidenti