PFL bosh direktori Diyor Imomxo‘jayev Janubiy Koreya jamoasi “Nasaf”ga kompensatsiya to‘lab berishi haqida yozdi.
Qayd etilishicha, “Nasaf” Janubiy Koreyaning “Cheju Yunayted” klubi bilan Islom Kenjaboyevning mashg‘ulot kompensatsiyasi masalasida kelisha olmagan.
Natijada ishga FIFA aralashgan va tashkilot qaroriga ko‘ra, “Cheju” 45 kun ichida “Nasaf” hisob raqamiga 65 ming dollar o‘tkazib berishi kerak bo‘ladi. aks holda klubga nisbatan transfer taqiqi qo‘yiladi.
Mashg‘ulot kompensatsiyasi Futbolchilar maqomi va transferi bo‘yicha reglament asosida tartibga solinadi.
Faoliyatini Qarshining “Nasaf” klubida boshlagan Islom 2021-yilning yanvar oyida “Cheju Yunayted” bilan 1 yillik shartnoma imzolagan. Ammo 2021-yilning yozida futbolchi O‘zbekistonga qaytgan. Navoiyning “Qizilqum”i safiga qo‘shilgan Kenjaboyev u yerda ham yarim yil faoliyat olib borib, 2022-yil yanvar oyida “Navbahor” bilan shartnoma imzoladi. Islom 2022-yilgi mavsum “Navbahor” safida Superligada 9 ta o‘yinda ishtirok etdi.
Izoh (0)