Aka-singil Jeksonlar 75-Tony Awards taqdirlash marosimining qizil yo‘lakchasida ko‘rinish berdi. Ular shu tarzda otasi Maykl Jeksonning hayoti va ijodiga bag‘ishlangan “MJ: Myuzikl” motividagi brodvey musiqiy spektaklini oilaviy qo‘llab-quvvatlashini ko‘rsatdi. Marosimda postanovka 10 ta mukofotga, jumladan, “Eng yaxshi musiqiy asar” nominatsiyasiga nomzod bo‘ldi, deb yozadi Elle.
Peris va Prins marosim oldidan suratga tushdi, so‘ng efirga uzatish jarayonida birgalikda postanovkani namoyish etishdi. Jeksonning o‘g‘li sahnadan turib shunday dedi: “Ko‘pchilik bizning dadamiz mashhur musiqalarni butunlay o‘zgartirgan deb o‘ylaydi. Bu haqda bahslashishga hojat yo‘q. Ammo ayrimlar bilmasligi mumkin, u kinoda ham, sahnada ham myuziklni yaxshi ko‘rar edi. Shu bois dadamizning ko‘plab mashhur taronalari o‘rin olgan “Eng yaxshi myuzikl” — “MJ” kechaning birinchi nominatsiyasida taqdim etilishi biz uchun juda sharafdir”. Postanovkada, haqiqatan ham, afsonaviy xonandaning 25 dan ortiq eng mashhur kompozitsiyalari o‘rin olgan.
Izoh (0)