Plastik operatsiya va kosmetologsiz: 3 farzandning onasi Keyt Middlton yosh ko‘rinish uchun nimalardan foydalanadi?

Internet foydalanuvchilarining ko‘pchiligi 40 yoshdan oshgan Keyt Middltonning yanada yosh ko‘rinishni boshlaganiga e’tibor berishmoqda. Tabiiyki, Kembrij gersoginyasining muxlislariga uning bunday natijaga qanday erishgani doim qiziq bo‘lgan. Biroq ko‘p bolali ona o‘z sirlarini ochishga shoshilmayapti, ammo mutaxassislar bu boradagi fikrlari bilan o‘rtoqlashdi.

Qoshlar

Yoshi ulg‘aygan sari ayollarning qoshlari ingichka bo‘lib, siyraklashib boraveradi. Ammo Keyt qalin qoshlar tarafdori. Mutaxassisning ta’kidlashicha, qalin qoshlar ko‘z ostidagi mayda ajinlarni yashirishda qo‘l keladi.

Podvodka

Bir necha yil oldin Keyt qora podvodkadan foydalanardi. Biroq bunday pardoz yoshga yosh qo‘shishi mumkin. Hozirda Middlton nigohi yanada jozibali bo‘lishi uchun ko‘zlariga yengil chiziq chizadi. Bundan tashqari, u o‘ziga ko‘proq yarashadigan xira jigarrang va bronzarang podvodkalardan foydalanadi.

Ukladka

20 yoshidan boshlab Keyt sochlarini ajoyib tarzda ukladga qilishga harakat qiladi. Biroq u hozirda ko‘proq to‘g‘ri kelgan soch turmagini tanlaydi. Gersoginya sochining o‘rtasidan farq ochadi, sochlarini tekis qilib, ko‘pincha qulog‘i orqasiga o‘tkazib oladi, bu unga oval shaklidagi yuzini ta’kidlash imkonini beradi.

Lablar

Ketrin deyarli hech qachon lablariga urg‘u berib makiyaj qilmaydi. Ammo u ba’zi mahsulotlardan lablari yanada yorqinroq va sog‘lom ko‘rinishi uchun foydalanadi. Tabiiy rangli blesk bu vazifani juda yaxshi bajaradi.

Qomat

Gavdani to‘g‘ri tutish yaxshi taassurot qoldirmoqchi bo‘lgan har bir kishi uchun juda muhimdir. Fizioterapevtning so‘zlariga ko‘ra, Keyt Middlton so‘nggi o‘n yil ichida gavdasini ancha tik tutadigan bo‘lgan. U bunday natijaga erishish uchun o‘z ustida ishlagani aniq. Shu uchun ham Kembrij gersoginyasi biroz balandroq va yoshroq ko‘rina boshladi.

Teri parvarishi

Garchi Keyt terisini qanday parvarish qilishini oshkor qilmasa ham, u organik mahsulotlarning muxlisi ekanligi ma’lum. Aytishlaricha, u na’matak moyidan foydalanadi — Viktoriya Bekxem ham bu mahsulotning muxlisi. Ushbu vosita tarkibida C vitamini, yog‘ kislotalari va antioksidantlar mavjud. Shu bilan birga, Ketrin dekolte zonasini ham xuddi yuzi kabi parvarish qiladi.