Taniqli Gollivud aktyori 65 yoshli Tom Xenks o‘z muxlislarini yangi rollar bilan xursand qilishda davom etmoqda. Yaqinda aktyor rejissor Baz Lurmanning Elvis Presli hayoti haqida hikoya qiluvchi filmida ishtirok etdi. Avtobiografik kartinada aktyor qo‘shiqchining menejeri rolini o‘ynadi, deb yozadi People Talk.
Tom Xenks Avstraliyada bo‘lib o‘tgan ushbu filmning premyerasida ishtirok etdi. Tadbirda u jamoatchilik bilan muloqot qilgan. Ma’lum bo‘lishicha, taqdimot davomida aktyorning o‘ng qo‘li qattiq qaltiragani, hatto mikrofonni tushirib yuborishiga oz qolgani sezilgan.
Shundan so‘ng aktyorning muxlislari jiddiy xavotirga tushdi. “O‘zingizni ehtiyot qiling, Tom”, “O‘tgan hafta One Show’da u juda oriq ko‘rindi”, “Umid qilamanki, gastrol juda charchatgan”, “O‘tgan hafta u shoularning birida qaltirab ketdi, o‘zi ham unchalik yaxshi ko‘rinmadi”, — deb yozgan muxlislar.
Biroq aktyorning bu holatini yosh bilan bog‘laganlar ham bo‘ldi. “U 65 yoshda, keling, uni tinch qo‘yaylik”, “U qarib qolgan”, “Angela Merkel bir necha yil oldin shunday bo‘lgan edi. Bu stress va issiqlik bilan bog‘liq edi. Jiddiy narsa bo‘lishi mumkin emas”, — deb izoh bergan internet foydalanuvchilari.
Izoh (0)