Ака-сингил Жексонлар 75-Tony Awards тақдирлаш маросимининг қизил йўлакчасида кўриниш берди. Улар шу тарзда отаси Майкл Жексоннинг ҳаёти ва ижодига бағишланган «МЖ: Мюзикл» мотивидаги бродвей мусиқий спектаклини оилавий қўллаб-қувватлашини кўрсатди. Маросимда постановка 10 та мукофотга, жумладан, «Энг яхши мусиқий асар» номинациясига номзод бўлди, деб ёзади Elle.
Перис ва Принс маросим олдидан суратга тушди, сўнг эфирга узатиш жараёнида биргаликда постановкани намойиш этишди. Жексоннинг ўғли саҳнадан туриб шундай деди: «Кўпчилик бизнинг дадамиз машҳур мусиқаларни бутунлай ўзгартирган деб ўйлайди. Бу ҳақда баҳслашишга ҳожат йўқ. Аммо айримлар билмаслиги мумкин, у кинода ҳам, саҳнада ҳам мюзиклни яхши кўрар эди. Шу боис дадамизнинг кўплаб машҳур тароналари ўрин олган «Энг яхши мюзикл» — «МЖ» кечанинг биринчи номинациясида тақдим этилиши биз учун жуда шарафдир». Постановкада, ҳақиқатан ҳам, афсонавий хонанданинг 25 дан ортиқ энг машҳур композициялари ўрин олган.
Изоҳ (0)