Prezidentning tegishli qarori bilan Sadoqat Siddiqova oliy va o‘rta maxsus ta’lim vazirining professional ta’limni rivojlantirish bo‘yicha o‘rinbosari lavozimiga tayinlandi. Bu haqda Oliy va o‘rta maxsus ta’lim vazirligi xabar qildi.
Qayd etilishicha, Sadoqat Siddiqova mazkur tayinlovga qadar Buxoro shahridagi “Ishga marhamat” monomarkazi direktori lavozimida faoliyat yuritib kelgan. U 2018-yilda “Shuhrat” medali bilan taqdirlangan.
Shuningdek, vazirlik tuzilmasida professional ta’lim muassasalari faoliyatini muvofiqlashtirish departamenti ham tashkil etiladi.
Avvalroq Sirdaryo viloyati hokimiga yangi o‘rinbosar tayinlangani, Kitob tumanining sobiq hokimi Murodjon Azimovga o‘rinbosar bo‘lgani to‘g‘risida xabar berilgandi.
Izoh (0)