Пластик операция ва косметологсиз: 3 фарзанднинг онаси Кейт Миддлтон ёш кўриниш учун нималардан фойдаланади?

Интернет фойдаланувчиларининг кўпчилиги 40 ёшдан ошган Кейт Миддлтоннинг янада ёш кўринишни бошлаганига эътибор беришмоқда. Табиийки, Кембриж герцогинясининг мухлисларига унинг бундай натижага қандай эришгани доим қизиқ бўлган. Бироқ кўп болали она ўз сирларини очишга шошилмаяпти, аммо мутахассислар бу борадаги фикрлари билан ўртоқлашди.

Қошлар

Ёши улғайган сари аёлларнинг қошлари ингичка бўлиб, сийраклашиб бораверади. Аммо Кейт қалин қошлар тарафдори. Мутахассиснинг таъкидлашича, қалин қошлар кўз остидаги майда ажинларни яширишда қўл келади.

Подводка

Бир неча йил олдин Кейт қора подводкадан фойдаланарди. Бироқ бундай пардоз ёшга ёш қўшиши мумкин. Ҳозирда Миддлтон нигоҳи янада жозибали бўлиши учун кўзларига енгил чизиқ чизади. Бундан ташқари, у ўзига кўпроқ ярашадиган хира жигарранг ва бронзаранг подводкалардан фойдаланади.

Укладка

20 ёшидан бошлаб Кейт сочларини ажойиб тарзда укладга қилишга ҳаракат қилади. Бироқ у ҳозирда кўпроқ тўғри келган соч турмагини танлайди. Герцогиня сочининг ўртасидан фарқ очади, сочларини текис қилиб, кўпинча қулоғи орқасига ўтказиб олади, бу унга овал шаклидаги юзини таъкидлаш имконини беради.

Лаблар

Кетрин деярли ҳеч қачон лабларига урғу бериб макияж қилмайди. Аммо у баъзи маҳсулотлардан лаблари янада ёрқинроқ ва соғлом кўриниши учун фойдаланади. Табиий рангли блеск бу вазифани жуда яхши бажаради.

Қомат

Гавдани тўғри тутиш яхши таассурот қолдирмоқчи бўлган ҳар бир киши учун жуда муҳимдир. Физиотерапевтнинг сўзларига кўра, Кейт Миддлтон сўнгги ўн йил ичида гавдасини анча тик тутадиган бўлган. У бундай натижага эришиш учун ўз устида ишлагани аниқ. Шу учун ҳам Кембриж герцогиняси бироз баландроқ ва ёшроқ кўрина бошлади.

Тери парвариши

Гарчи Кейт терисини қандай парвариш қилишини ошкор қилмаса ҳам, у органик маҳсулотларнинг мухлиси эканлиги маълум. Айтишларича, у наъматак мойидан фойдаланади — Виктория Бекхем ҳам бу маҳсулотнинг мухлиси. Ушбу восита таркибида C витамини, ёғ кислоталари ва антиоксидантлар мавжуд. Шу билан бирга, Кетрин деколте зонасини ҳам худди юзи каби парвариш қилади.