O‘zbekiston Superligasining 2022-yilgi mavsumi noyabr oyida yakunlanadi. Bu haqida PFL Ijroiya qo‘mitasining navbatdagi yig‘ilishida ma’lum qilindi.
Xabarga ko‘ra, Superliganing ikkinchi davrasi 1-avgustda, Pro Liganing tanaffusdan keyingi 14-turi esa 5-avgustda start oladi. O‘zbekiston Kubogining final o‘yini 30-oktabr kuni Buxoroda bo‘lib o‘tadi. Pro Liganing so‘nggi tur o‘yini 13-noyabr kuni bo‘lib o‘tadi, Superliga esa 19-noyabr kungi bellashuvlar bilan mavsumni yakunlaydi. Har ikki liga o‘rtasidagi o‘tish o‘yini 26-noyabr kuni tashkil etiladi.
Eslatib o‘tamiz, Superliganing 2022-yilgi mavsumi 2-mart sanasida start oldi. Hozirgacha 11 ta tur ortda qoldi.
Jahon Chempionati bellashuvlari 2022-yilning 21-noyabr kunida start olib, 18-dekabrdagi final o‘yini bilan yakuniga yetadi.
Izoh (0)