“Liverpul” futbolchisiga aylangan Darvin Nunyes APLdagi eng qimmat transferlardan biriga aylandi.
“Benfika” 22 yoshli hujumchi borasida “Liverpul” bilan kelishuvga erishganini ma’lum qildi. Mersisaydliklar Nunyes uchun 75+25 million yevro to‘lab beradi.
Bonuslar bilan birgalik 100 million yevro yoki 85,4 million funtni tashkil etuvchi ushbu transfer Premyer Liga tarixidagi eng qimmat transferlar ro‘yxatidan joy oldi.
Darvindan qimmat transferlar: Romelu Lukaku (90 million funt evaziga “Everton”dan “Manchester Yunayted”ga), Pol Pogba (93,5 million evaziga “Yuventus”dan “Manchester Yunayted”ga), Romelu Lukaku (97,5 million evaziga “Inter”dan “Chelsi”ga) va Jek Grilish (100 million evaziga “Aston Villa”dan “Manchester Siti”ga).
Urugvaylik hujumchi 2021/22-yilgi mavsum Portugaliya chempionatida 28 ta o‘yinda 26 ta golga mualliflik qildi.
Izoh (0)