«Шахмат дизайн»га эга Realme GT Neo 3T смартфони намойиш этилди

Realme компанияси орқа панели «шахматли тўр» билан безатилган GT Neo 3T смартфонини тақдим этди, деб хабар беради GSMArena.

Янги модель Full HD+ сифат ва 120 герцли тасвир янгиланиш частотасини қўллаб-қувватловчи, диагонали 6,62 дюймга тенг Э4 авлод AMOLED дисплейга эга бўлган. Бармоқ изи сканери дисплей остида, 16 мегапикселли селфи камераси эса чап бурчакдаги қирқимда жойлашган.

Асосий камералари учта: 64 мегапикселли асосий, 8 мегапикселли кенг бурчак ва 2 мегапикселли макро-камера. Чақноқ иккиталик, ёруғлик диодли. Смартфон сувдан ҳимояланмаган, стереодинамиклари эса Dolby Атмосъни қўллаб-қувватлайди.

Аппарат ичидан Snapdragon 870 процессори, 8 гигабайт тезкор, 128/256 гигабайт ички хотира ўрин олган. Смартфон буғли совутиш ва 80 ваттли тезкор қувватланиш тизимига эга бўлган. сиғими 5000 мА/соатга тенг аккумулятор 0 дан 80 фоиз қувватни 12 дақиқада олади.

Realme ГТ Нео 3Тънинг қора варианти хира юзага эга орқа панел, сариқ ва кул ранг версия — «шахматли дизайн»га эга бўлади. Смартфоннинг Европадаги расмий нархи:

• 8/128 гигабайт — 503 доллар;
• 8/256 гигабайт — 545 доллар.