Konstitutsiyaning 38-moddasiga o‘zgartirish va qo‘shimcha kiritish taklif etilmoqda. Bu haqda bugun, 10-iyun kuni bo‘lib o‘tayotgan Konstitutsiviy komissiya yig‘ilishida Senatning Agrar va suv xo‘jaligi masalalari qo‘mitasi raisi Bahodir Tojiyev ma’lum qildi.
Bahodir Tojiyevning aytishicha, 38-moddaga o‘zgartirish kiritish barcha shaxslar dam olish huquqiga eganini ta’minlashda muhim ahamiyatga ega.
“38-moddada: “Yollanib ishlayotgan barcha fuqarolar dam olish huquqiga egadirlar. Ish vaqti va haq to‘lanadigan mehnat ta’tilining muddati qonun bilan belgilanadi”, deb amaldagi tahririda ko‘rsatilgan edi. Bu moddaga Konstitutsiyaviy komissiya a’zolari va 11 nafar fuqarodan kelgan takliflar asosida o‘zgartirish kiritish taklif qilinmoqda.
Ya’ni “Har bir shaxs dam olish huquqiga ega. Mehnat shartnomasi bo‘yicha ishlovchiga qonunda belgilangan ish vaqtining davomiyligi, dam olish va bayram kunlari, haq to‘lanadigan har yilgi ta’til kafolatlanadi”, deb aniq taklif kiritilyapti”, – dedi Konstitutsion komissiya a’zosi.
Majlisda aytilishicha, mazkur qo‘shimcha bilan nafaqat yollanib ishlayotgan fuqarolar, balki barcha shaxslar dam olish huquqiga ega ekani ta’minlanadi.
Izoh (0)