AQSHning Merilend shtati Smitsburg shahrida noma’lum shaxs otishma sodir etdi, oqibatda uch kishi halok bo‘ldi, deb xabar bermoqda Fox News politsiyaga tayanib.
Politsiya ma’lumotlariga ko‘ra, otishma Baykl-roud mavzeyi hududidagi beton buyumlar uchun uskunalar ishlab chiqaruvchi Columbia Machine zavodida sodir bo‘lgan.
Gumonlanuvchi politsiya bilan to‘qnashuvda yaralangan va kasalxonaga yotqizilgan. Politsiya xodimi yengil jarohat olgan, deya xabar berdi NBC telekanal.
7-iyun kuni Germaniyadagi supermarketda otishma sodir bo‘lgan edi. Voqea joyidan ikki kishining jasadi topilgan. Politsiya ma’lumotlariga ko‘ra, dastlab erkak ayolni ta’qib qilgan, u yordamga chaqirgan. Shunda erkak ayolga qarata o‘q uzgan, so‘ng qurolni o‘ziga qaratgan.
24-may kuni esa AQSHning Texas shtatida 18 yoshli yigit maktabda otishma sodir etgandi. Hodisada 18 nafar bola va uch nafar voyaga yetgan shaxs halok bo‘ldi. Shavkat Mirziyoyev otishma yuzasidan 25-may kuni AQSH prezidenti Jozef Baydenga hamdardlik yo‘lladi.
Izoh (0)