Ijtimoiy tarmoqlarda Surxondaryo viloyati Denov tumanida haydovchi radar o‘rnatilgan avtomashinada xizmat olib borayotgan Yo‘l-patrul xizmati xodimini haqorat qilgani aks etgan videolavha tarqaldi. Viloyat Yo‘l harakati xavfsizligi boshqarmasi holatga munosabat bildirdi.
Qayd etilishicha, holat 6-iyun kuni M41 xalaqaro avtomobil yo‘lining Denov tumani “Lochin” mahallasi hududidan o‘tuvchi qismida sodir bo‘lgan. IB haydovchi operatori safdor Sh.J. tezlikni aniqlovchi moslama bilan jihozlangan Cobalt avtomashinasida xizmat olib borayotgan bo‘lgan. Shu payt shu tumanda yashovchi fuqaro A.X. o‘zining boshqaruvida bo‘lgan Nexia transport vositasi bilan yo‘lning qarama-qarshi bo‘lagidan harakatlanib kelib, safdor Sh.J.ni har xil uyatli so‘zlar bilan haqoratlab, uning yaqin qarindoshlari nomiga tuxmat qilgan. U holatni o‘zining mobil telefoni orqali tasvirga olib, ijtimoiy tarmoqlarga tarqatgan.
Holat yuzasidan YPX xodimining bildirgisiga asosan tekshiruv ishlari olib borilgan. Natijada haydovchi A.X. Denov tumani hududida ushlangan. Hozirda tergovga qadar surishtiruv ishlari olib borilmoqda.
Avvalroq Farg‘onada IIB xodimini haqorat qilgan ayolga jinoyat ishi qo‘zg‘atilgani, Xorazmda YPX xodimi haydovchini majburan ko‘tarib, mashinaga o‘tkazgani, Chiroqchida YPX xodimlariga tajovuz qilgan 7 nafar fuqaro 15 sutkaga qamalgani haqida xabar berilgan.
- Samarqandda IIB xodimi pogonini o‘zi yulib, bunda yonidagi ayolni ayblagani ko‘ringan video tarqaldi. Vazirlik holat o‘rganilayotganini ma’lum qildi
- Yunusobodda Tracker YPX xodimi tomonidan to‘xtatilgan Cobalt va inspektorni urib yuborib, ag‘darildi (video)
- Jizzaxda YPX xodimining bodikamerasidagi video tarqaldi. Unda inspektorlar haydovchini haqorat qilganini ko‘rish mumkin
Izoh (0)