O‘zbekistonda urush faxriylari va yoshi katta fuqarolar uchun berib boriladigan ijtimoiy ta’minot o‘rniga qo‘shimcha to‘lov to‘lab boriladi. Bu haqda Telegram’dagi “Huquqiy axborot” kanali xabar qildi.
Qayd etilishicha, prezidentning yangi qaroriga muvofiq, 1941—1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga, shuningdek, o‘zgalar parvarishiga muhtoj bo‘lgan yolg‘iz keksalar va nogironligi bo‘lgan shaxslarga bepul yetkazib beriladigan oziq-ovqat mahsulotlari hamda gigiyena tovarlari o‘rniga har oyda bazaviy hisoblash miqdorining bir baravari miqdorida qo‘shimcha to‘lov to‘lab boriladi.
Shuningdek, zarur kiyim-kechak va poyabzallar o‘rniga kiyim-kechak xaridi uchun har yili avgust oyida bazaviy hisoblash miqdorining 15 baravari miqdorida to‘lanadigan kompensatsiya joriy etiladi.
Bunda qo‘shimcha to‘lov Tibbiy-ijtimoiy xizmatlarni rivojlantirish agentligi tomonidan pensiyalarni va nafaqalarni tayinlashga mas’ul bo‘lgan tashkilotga o‘zgalar parvarishiga muhtoj bo‘lgan yolg‘iz keksalar yoki nogironligi bo‘lgan shaxslar to‘g‘risida taqdim etiladigan ma’lumotlar asosida amalga oshiriladi.
Mavzuga doir:
- “Sizlar bu hurmatga sazovorsizlar”. Shavkat Mirziyoyev Ikkinchi jahon urushi qatnashchilari holidan xabar oldi
- Farg‘onada Ikkinchi jahon urushi qahramoni Mamadali Topvoldiyev haqida hikoya qiluvchi “Osiyo arsloni” filmini suratga olish ishlari boshlandi
- O‘zbekistonda “Keksalar bog‘chasi” faoliyat boshlashi ma’lum qilindi
Izoh (0)