Ижтимоий тармоқларда Сурхондарё вилояти Денов туманида ҳайдовчи радар ўрнатилган автомашинада хизмат олиб бораётган Йўл-патруль хизмати ходимини ҳақорат қилгани акс этган видеолавҳа тарқалди. Вилоят Йўл ҳаракати хавфсизлиги бошқармаси ҳолатга муносабат билдирди.
Қайд этилишича, ҳолат 6 июнь куни М41 халақаро автомобиль йўлининг Денов тумани «Лочин» маҳалласи ҳудудидан ўтувчи қисмида содир бўлган. ИБ ҳайдовчи оператори сафдор Ш.Ж. тезликни аниқловчи мослама билан жиҳозланган Cobalt автомашинасида хизмат олиб бораётган бўлган. Шу пайт шу туманда яшовчи фуқаро А.Х. ўзининг бошқарувида бўлган Nexia транспорт воситаси билан йўлнинг қарама-қарши бўлагидан ҳаракатланиб келиб, сафдор Ш.Ж.ни ҳар хил уятли сўзлар билан ҳақоратлаб, унинг яқин қариндошлари номига тухмат қилган. У ҳолатни ўзининг мобил телефони орқали тасвирга олиб, ижтимоий тармоқларга тарқатган.
Ҳолат юзасидан ЙПХ ходимининг билдиргисига асосан текширув ишлари олиб борилган. Натижада ҳайдовчи А.Х. Денов тумани ҳудудида ушланган. Ҳозирда терговга қадар суриштирув ишлари олиб борилмоқда.
Аввалроқ Фарғонада ИИБ ходимини ҳақорат қилган аёлга жиноят иши қўзғатилгани, Хоразмда ЙПХ ходими ҳайдовчини мажбуран кўтариб, машинага ўтказгани, Чироқчида ЙПХ ходимларига тажовуз қилган 7 нафар фуқаро 15 суткага қамалгани ҳақида хабар берилган.
- Самарқандда ИИБ ходими погонини ўзи юлиб, бунда ёнидаги аёлни айблагани кўринган видео тарқалди. Вазирлик ҳолат ўрганилаётганини маълум қилди
- Юнусободда Tracker ЙПХ ходими томонидан тўхтатилган Cobalt ва инспекторни уриб юбориб, ағдарилди (видео)
- Жиззахда ЙПХ ходимининг бодикамерасидаги видео тарқалди. Унда инспекторлар ҳайдовчини ҳақорат қилганини кўриш мумкин
Изоҳ (0)