Turkish Airlines Istanbuldan Buxoroga aviaqatnovlar yo‘lga qo‘ydi

Turkish Airlines aviakompaniyasi samolyoti 7-iyun kuni soat 07:42 da Buxoro aeroportiga kelib qo‘ndi. Bu haqda Transport vazirligi xabar qildi.

Qayd etilishicha, aviakompaniya tomonidan Istanbul—Buxoro—Istanbul yo‘nalishida muntazam aviaqatnovlar haftaning seshanba va juma kunlari bajariladi. Hozirda O‘zbekiston va Turkiya shaharlari o‘rtasida amalga oshirilayotgan muntazam aviaqatnovlar soni 56 taga yetgan.

Xususan, Uzbekistan Airways hamda Turkish Airlines tomonidan paritet asosida:

• Toshkent—Istanbul—Toshkent yo‘nalishida haftasiga 17 tadan;
• Urganch—Istanbul—Urganch yo‘nalishida haftasiga 2 tadan;
• Samarqand—Istanbul—Samarqand yo‘nalishida haftasiga 4 tadan;
• Farg‘ona—Istanbul—Farg‘ona yo‘nalishida haftasiga 3 tadan;
• Buxoro—Istanbul—Buxoro yo‘nalishida haftasiga 2 tadan muntazam qatnovlar amalga oshirilmoqda.