Finlyandiya bosh vaziri Sanna Marinning koronavirusga topshirgan testi natijasi musbat chiqdi, deb yozmoqda “Interfaks”.
“Kecha isitmasim ko‘tarildi, ertalab esa COVID-19 uchun uy testini o‘tkazdim, uning natijasi musbat chiqdi. Simptomlar yengil o‘tmoqda, o‘zimni yaxshi his qilyapman”, — deb yozdi Marin ijtimoiy tarmoqdagi sahifasida.
Vazirning so‘zlariga ko‘ra, u ko‘p vaqtini safarlarda o‘tkazgani uchun muntazam ravishda uy testlarini o‘tkazadi.
4-iyun kuni bosh vazir rasmiy tashrif bilan Vashingtonda bo‘lgan edi. U yerda NATO bosh kotibi Yens Stoltenberg bilan mamlakatining Shimoliy Atlantika alyansiga kirishi istiqbollarini muhokama qilgan.
“Shu haftaning boshida testlarim salbiy chiqqandi”, — deydi dedi Finlyandiya bosh vaziri.
Avval Bill Geyts va Yens Stoltenberg koronavirusga chalingani, AQSH davlat kotibi Entoni Blinken, Oq uy matbuot kotibi Jen Psaki, Pentagon rahbari Lloyd Ostin koronavirusni boshdan kechirgani, Uels shahzodasi Charlzda ikkinchi marta koronavirus aniqlangani, Turkiya prezidenti Rajab Toyyib Erdo‘g‘on Kiyevga safaridan so‘ng omikronga chalingani haqida xabarlar berilgandi.
Izoh (0)