Финляндия бош вазири коронавирусга чалинди

Финляндия бош вазири Санна Мариннинг коронавирусга топширган тести натижаси мусбат чиқди, деб ёзмоқда «Интерфакс».

«Кеча иситмасим кўтарилди, эрталаб эса COVID-19 учун уй тестини ўтказдим, унинг натижаси мусбат чиқди. Симптомлар енгил ўтмоқда, ўзимни яхши ҳис қиляпман», — деб ёзди Марин ижтимоий тармоқдаги саҳифасида.

Вазирнинг сўзларига кўра, у кўп вақтини сафарларда ўтказгани учун мунтазам равишда уй тестларини ўтказади.

4 июнь куни бош вазир расмий ташриф билан Вашингтонда бўлган эди. У ерда НАТО бош котиби Йенс Столтенберг билан мамлакатининг Шимолий Атлантика альянсига кириши истиқболларини муҳокама қилган.

«Шу ҳафтанинг бошида тестларим салбий чиққанди», — дейди деди Финляндия бош вазири.

Аввал Билл Гейтс ва Йенс Столтенберг коронавирусга чалингани, АҚШ давлат котиби Энтони Блинкен, Оқ уй матбуот котиби Жен Псаки, Пентагон раҳбари Ллойд Остин коронавирусни бошдан кечиргани, Уэльс шаҳзодаси Чарльзда иккинчи марта коронавирус аниқлангани, Туркия президенти Ражаб Тоййиб Эрдўғон Киевга сафаридан сўнг омикронга чалингани ҳақида хабарлар берилганди.