Yengil vazn toifasida WBF Afrika kamari egasi Simiso Butelezi (4-1 2 KO) va Sifelise Mutungva (7-1-2) o‘rtasidagi jang fojiali yakun topdi.
Bahsning 10-raundida Mutungva kanatga suyanib qolgani uchun hakam jangni to‘xtatdi. Bokschilar ring markaziga kelib, jangni davom ettirishga ruxsat berilganda 24 yoshli Butelezi boshqa tomonga qarab, havoga zarba bera boshladi. Bokschi o‘zida emasligini sezgan referi jangni to‘xtatdi. Keyinchalik takroriy kadrlarda Butelezi og‘ir zarba o‘tkazib yuborgani ma’lum bo‘ldi. Simizo shifoxonaga yetkazilgan va u yerda sun’iy koma holatiga tushirilgan. Tibbiy muolajalar yordam bermagan va sportchi 8-iyun kuni vafot etgan.
Hozircha Butelezida qandaydir jarohat borligi noma’lum bo‘lib qolmoqda. Murabbiyning ta’kidlashicha, bokschi jangdan avval to‘liq tibbiy ko‘rikdan o‘tgan va unda muammolar kuzatilmagan.
Izoh (0)