Toshkent shahri, Mirobod tumanida joylashgan Hi-tech bank binosi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga sud hukmi bilan Mirobod MIB tomonidan joylashtirilgan.
Yer uchastkasining umumiy maydoni — 0,02 gektar. Binoning maydoni — 1 398 kvadrat metr. Ofis 5 qavatdan iborat.
Lot izohida yozilishicha, hozir binoda bank faoliyat yuritadi. Ularni chiqarish yuzasidan sudga murojaat qilish lozim.
Auksionga qo‘yilgan ofisning boshlang‘ich bahosi — 11,5 mlrd so‘m. Arizalar 7-iyul 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Farg‘onadagi qurilishi tugallanmagan mehmonxona MIB tomonidan 16,7 mlrd so‘mga auksionga qo‘yilgani haqida xabar berilgandi.
Izoh (0)