Тошкент шаҳри, Миробод туманида жойлашган Hi-tech bank биноси кимошди савдосига қўйилди. Лот маълумотлари «E-auksion» порталида эълон қилинган.
Лот аукционга суд ҳукми билан Миробод МИБ томонидан жойлаштирилган.
Ер участкасининг умумий майдони — 0,02 гектар. Бинонинг майдони — 1 398 квадрат метр. Офис 5 қаватдан иборат.
Лот изоҳида ёзилишича, ҳозир бинода банк фаолият юритади. Уларни чиқариш юзасидан судга мурожаат қилиш лозим.
Аукционга қўйилган офиснинг бошланғич баҳоси — 11,5 млрд сўм. Аризалар 7 июль 09:00 га қадар қабул қилинади. Савдолар худди шу куни 10:00 да бошланади.
Аввалроқ Фарғонадаги қурилиши тугалланмаган меҳмонхона МИБ томонидан 16,7 млрд сўмга аукционга қўйилгани ҳақида хабар берилганди.
Изоҳ (0)