Andijonda noqonuniy yo‘l bilan yer sotmoqchi bo‘lgan firibgarlar ushlandi, deb xabar bermoqda viloyat Ichki ishlar boshqarmasi.
Qayd etilishicha, 1-iyun kuni Andijon viloyati IIB va prokuraturasi xodimlari tomonidan tezkor tadbir o‘tkazilgan. Unda aniqlanishicha, Shahrixon tumanida yashovchi T.A. va tanishi, Shahrixon tumanida yashovchi Sh.I. Andijon—Shahrixon yo‘lining 4-kilometrida joylashgan bog‘dorchilik uchun ajratilgan 80 sotix yer maydonini sotishni maqsad qilgan. Aldov yo‘li bilan 1 gektar deb internet tarmog‘iga e’lon berib, e’lon asosida murojaat qilgan xaridor E.R.ga 45 ming dollarga sotmoqchi bo‘lgan.
Olib borilgan tezkor tadbirlar davomida ular Shahrixon tumanida joylashgan oshxonalarning birida xolis xaridorga oldindan kelishilgan pul hisobidan 400 million so‘m miqdoridagi pullarni olgan vaqtida tadbir ishtirokchilari tomonidan ashyoviy dalillar bilan ushlangan.
Holat yuzasidan Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
Izoh (0)