Bugun,

  • USD 11014.01
  • RUB 191.8
  • EUR 10674.78

Samarqand viloyati Past Darg‘om tumanida 70 sotix yerni noqonuniy sotish holati aniqlandi. Bu haqda viloyat Ichki ishlar boshqarmasi xabar qildi.

Foto: Samarqand viloyati Ichki ishlar boshqarmasi

Foto: Samarqand viloyati Ichki ishlar boshqarmasi

Qayd etilishicha, 31-may kuni Samarqand viloyat IIBga fuqaro M.A. ariza bilan murojaat qilgan. Unda issiqxona qurib tadbirkorlik bilan shug‘ullanishi uchun Past Darg‘om tumani hududidan yer olmoqchi bo‘lganida o‘zini Kadastrlar palatasi tuman filiali xodimi deb tanishtirgan D.M. bilan tanishib qolganini aytgan. D.M. o‘zining tanishi B.S. ning sotiladigan yer maydoni borligini aytib, u bilan uchrashtirgan. B.S. Past Darg‘om tumani “To‘rttom” mahallasi hududida joylashgan hokimiyat zaxirasida bo‘lgan qishloq xo‘jaligiga mo‘ljallangan hamda vaqtincha qishloq xo‘jaligi mahsulotlarini yetishtirish uchun o‘zi foydalanib kelayotgan 70 sotix yer maydonini o‘ziga tegishli ekanini aytgan. 65 ming dollarga sotishini hamda D.M. mazkur yer maydonini 3 ming dollar evaziga kadastr hujjatlarini rasmiylashtirib berishini bildirgan. Fuqaro ular kelishilgan pullardan jami 33 ming dollarini oldindan berishini talab qilayotganini ma’lum qilib, qonuniy chora ko‘rishni so‘ragan.

Arizaga asosan, shu kuni Bosh prokuratura, viloyati IIB, DXX Samarqand viloyat boshqarmasi hamda Samarqand viloyati prokuraturasi Yer resurslari talon-toroj qilinishini oldini olish bo‘limi xodimlari hamkorligida Past Darg‘om tumani “Beklar” MFYda joylashgan umumiy ovqatlanish shoxobchasida tezkor tadbir o‘tkazilgan. Jarayon davomida D.M. va B.S. ariza muallifi M.A.dan talab qilingan puldan 32 ming dollarini avans sifatida olgan vaqtida ashyoviy dalillar bilan qo‘lga olingan.

Holat yuzasidan D.M. va B.S.ga nisbatan Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atilgan. Hozirda tergov harakatlari olib borilmoqda.

Avvalroq Bo‘stonliqda 1,32 gektar yerni 50 ming dollarga sotishga uringan uch nafar shaxs ushlangani, Samarqandda tuman hokimining soxta qarori bilan qariyb 20 ming dollarga yer sotgan xo‘jalik rahbari aniqlangani, Davlat kadastrlari palatasi Nurobod tuman filiali mutaxassislari 2 mln so‘m pora bilan ushlangani to‘g‘risida xabar berilgandi.

Izoh
Asosiy yangiliklar
Dunyo
Zaporojyeda raketa bilan urilgan ko‘p qavatli binolar, Limanda ishlayotgan sapyorlar. Urushning 225-kunidan fotoreportaj
Mahalliy
“Yaqinda besh million olgan ekansiz, shu sabab murojaatingiz rad qilindi deb yozaman” — Toshkent viloyati hokimi
Madaniyat
Davron G‘oyipovning qanday kasallikdan vafot etgani ma’lum qilindi