Хоразм вилояти Хива шаҳрида 4—5 июнь кунлари Pakhlavon Makhmud — Strongmen Games II Халқаро турнири бўлиб ўтади. Бу ҳақда Туризм ва маданий мерос вазирлиги хабар қилди.
Қайд этилишича, 3 июнь куни турнир иштирокчилари Ўзбекистонга етиб келган. Мусобақада Ўзбекистондан ташқари Япония, Россия, Бразилия, Италия, Янги Зеландия, Испания, Франция, Исландия, Эрон, Ҳиндистон, Польша, Тожикистон, Озарбайжон ҳамда Қозоғистондан спортчилар ва ҳакамлар иштирок этади.
Ушбу халқаро турнир Туризм ва Маданий мерос вазирлиги, Бутунжаҳон Баҳодирлар ўйини федерацияси ва Ўзбекистон Баҳодирлар ўйинлари ва тош кўтариш федерацияси ҳамкорлигида ташкил этилмоқда.
Таъкидланишича, Pakhlavon Makhmud — Strongmen Games спорт орқали исломий зиёрат туризмини тарғиб қилувчи дунёдаги ягона халқаро турнир ҳисобланади.
Изоҳ (0)