Samarqand viloyatida yuzaga kelgan oilaviy mojaro oqibatida uch bolaning onasi bo‘lgan ayol vafot etdi. Bu haqda viloyat IIB axborot xizmati xabar berdi.
27-may kuni soat 05:00 larda Samarqand viloyati IIBga Samarqand tumani “Urganja” mahallasida yashovchi fuqaro qo‘ng‘iroq qilib, qo‘shnisining uyida oilaviy janjal bo‘layotgani haqida xabar bergan.
Ma’lum bo‘lishicha, er-xotin aliment masalasi bo‘yicha oldindan mavjud bo‘lgan kelishmovchiliklari natijasida o‘zaro janjallashib qolgan. Buning oqibatida erkak 27 yoshli ayolini oshxona pichog‘i bilan urib, tan jarohati yetkazgan. Ayolga birinchi tibbiy yordam ko‘rsatilib, shifoxonaning davolanish bo‘limiga joylashtirilgan, biroq ko‘rsatilgan yordamga qaramasdan, fuqaro vafot etgan.
Holat yuzasidan viloyati IIB, Samarqand tumani hokimi, sektor rahbarlari va keng jamoatchilik vakillari ishtirokida mazkur qotillik keng muhokama qilingan.
Bundan oldin Buxoroda nogiron farzandi ta’minoti uchun 111 mln so‘m aliment pulini to‘lamagan ona 15 sutkaga qamalgani, Qoraqalpog‘istonda aliment sabab yuzaga kelgan mojaroda xotinini pichoqlab o‘ldirgan erkak 13 yilga qamalgani, to‘g‘risida xabar berilgandi.
Izoh (0)