Самарқанд вилоятида юзага келган оилавий можаро оқибатида уч боланинг онаси бўлган аёл вафот этди. Бу ҳақда вилоят ИИБ ахборот хизмати хабар берди.
27 май куни соат 05:00 ларда Самарқанд вилояти ИИБга Самарқанд тумани «Урганжа» маҳалласида яшовчи фуқаро қўнғироқ қилиб, қўшнисининг уйида оилавий жанжал бўлаётгани ҳақида хабар берган.
Маълум бўлишича, эр-хотин алимент масаласи бўйича олдиндан мавжуд бўлган келишмовчиликлари натижасида ўзаро жанжаллашиб қолган. Бунинг оқибатида эркак 27 ёшли аёлини ошхона пичоғи билан уриб, тан жароҳати етказган. Аёлга биринчи тиббий ёрдам кўрсатилиб, шифохонанинг даволаниш бўлимига жойлаштирилган, бироқ кўрсатилган ёрдамга қарамасдан, фуқаро вафот этган.
Ҳолат юзасидан вилояти ИИБ, Самарқанд тумани ҳокими, сектор раҳбарлари ва кенг жамоатчилик вакиллари иштирокида мазкур қотиллик кенг муҳокама қилинган.
Бундан олдин Бухорода ногирон фарзанди таъминоти учун 111 млн сўм алимент пулини тўламаган она 15 суткага қамалгани, Қорақалпоғистонда алимент сабаб юзага келган можарода хотинини пичоқлаб ўлдирган эркак 13 йилга қамалгани, тўғрисида хабар берилганди.
Изоҳ (0)