“Real” hujumchisi Karim Benzema Chempionlar Ligasida mavsumning eng yaxshi futbolchisi deb topildi.
Fransiyalik hujumchi mavsum davomida 12 ta o‘yinda ishtirok etib, 15 ta golga mualliflik qildi va eng yaxshi to‘purar maqomini qo‘lga kiritdi.
“Real” vingeri Vinisius Junior mavsumning eng yaxshi yosh futbolchisi deb e’lon qilindi. 21 yoshli futbolchi 13 ta o‘yinda ishtirok etib, 4 ta gol va 7 ta golli uzatmaga mualliflik qildi. “Liverpul”ga qarshi kechgan final o‘yinida ham yagona gol Vinisius hisobiga yozildi.
Shuningdek, mavsumning ramziy terma jamoasi ham tuzildi. Undan “Liverpul” va “Real”dan to‘rt, “Manchester Siti”, “Chelsi” va “PSJ”dan bir nafardan futbolchi o‘rin oldi.
Darvozabon: Tibo Kurtua (“Real”);
Himoyachilar: Trent-Aleksander Arnold (“Liverpul”), Antonio Ryudiger (“Chelsi”), Virjil van Deyk (“Liverpul”), Endryu Robertson (“Liverpul”);
Yarim himoyachilar: Kevin de Bryuyne (“Manchester Siti”), Fabinyo (“Liverpul”), Luka Modrich (“Real”);
Hujumchilar: Vinisius Junior (“Real”), Kilian Mbappe (“PSJ”), Karim Benzema (“Real”).
Izoh (0)