O‘zbekiston milliy terma jamoasining iyun oyidagi yig‘inida ishtirok etadigan futbolchilar ro‘yxati ma’lum bo‘ldi.
O‘zbekiston Osiyo Kubogi—2023 musobaqasining 3-saralash bosqichida ishtirok etadi. Srechko Katanes shogirdlari yig‘inning dastlabki qismini Toshkentda o‘tkazadi, keyin esa saralash o‘yinlarida ishtirok etish uchun Namanganga yo‘l oladi.
Murabbiy mazkur yig‘in uchun 30 nafar futbolchini jalb qildi. Ma’lumot uchun, U-23 terma jamoasi safida Osiyo kubogiga tayyorgarlik ko‘rayotgan 5 nafar futbolchi ham milliy jamoa kengaytirilgan tarkibiga kiritildi. Sloveniyalik mutaxassisning ta’kidlashicha, ularning ayrimlari keyinchalik milliy terma jamoa yig‘iniga ham jalb etilishi mumkin.
Darvozabonlar: Valijon Rahimov (“OKMK”), O‘tkir Yusupov (“Navbahor”), Umidjon Ergashev (“Nasaf”);
Himoyachilar: Rustam Ashurmatov (“Navbahor”), Farrux Sayfiyev (“Paxtakor”), Hojiakbar Alijonov (“Paxtakor”), Husniddin Aliqulov (“Nasaf”), Dilshod Saitov (“Nasaf”), Islomjon Qobilov (“Lokomotiv”), Umarbek Eshmurodov (“Nasaf”), Abdulla Abdullayev (“OKMK”), Akrom Komilov (“OKMK”);
Yarim himoyachilar: Odiljon Hamrobekov (“Paxtakor”), Akmal Mozgovoy (“Nasaf”), Otabek Shukurov (“Sharja”/BAA), Aziz Turg‘unboyev (“Paxtakor”), Oston O‘runov (“Paxtakor”), Oybek Bozorov (“Nasaf”), Dostonbek Hamdamov (“Paxtakor”), Sardor Sobirxo‘jayev (“Paxtakor”), Jaloliddin Masharipov (“An-Nassr”/Saudiya Arabistoni);
Hujumchilar: Sherzod Temirov (“Persepolis”/Eron), Azizbek Omonov (“Istiqlol”/Eron), Eldor Shomurodov (“Roma”/Italiya), Igor Sergeyev (“Tobol”/Qozog‘iston);
U-23: Abduvohid Ne’matov (“Nasaf”), Ibrohimxalil Yo‘ldoshev (“Nijniy Novgorod”/Rossiya), Alibek Davronov (“Nasaf”), Hojimat Erkinov (“Paxtakor”), Husayn Norchayev (“Nasaf”).
Eslatib o‘tamiz, Osiyo Kubogi—2023 musobaqasining 3-saralash bosqichidagi C guruhi o‘yinlari O‘zbekistonda bo‘lib o‘tadi. O‘zbekiston saralash bosqichidagi dastlabki o‘yinini 8-iyun kuni Shri-Lankaga qarshi bahs bilan boshlaydi. 11-iyun kuni Maldiv orollariga qarshi o‘ynasa, 14-iyunda Tailandga qarshi maydonga tushadi. C guruhidagi barcha uchrashuvlar Namangandagi “Markaziy” stadionida o‘tkazilishi rejalashtirilgan.
Izoh (0)