Qashqadaryo viloyati Yakkabog‘ tumanida 31-may kuni Lacetti avtomashinasi yo‘lni kesib o‘tayotgan velosiped haydovchisini urib yubordi. Bu haqda viloyat Ichki ishlar boshqarmasi xabar qildi.
Qayd etilishicha, yo‘l-transport hodisasi shu kuni soat taxminan 12:30 larda “Qushchinor” mahallasi Qushchinor qishlog‘i hududidan o‘tgan M-39 Toshkent—Termiz avtomobil yo‘lining 1179-kilometrida sodir bo‘lgan. E.Sh. Lacetti avtomashinasini yo‘lning Termiz shahri yo‘nalishi bo‘yicha boshqarib borayotib, o‘ng tomonidan chap tomoniga velosipedda kesib o‘tayotgan B.O.ni urib yuborgan.
YTH oqibatida B.O. tan jarohati olib, Yakkabog‘ tuman shifoxonasiga yotqizilgan.
Holat yuzasidan tergovga qadar tekshiruv harakatlari olib borilmoqda.
Avvalroq Nukusda Damas “peshexod”dan o‘tayotgan velosipedchini urib yuborgani, Farg‘onada 2021-yilning yetti oy ichida velosipedchilar bilan sodir bo‘lgan YTHlar oqibatida 29 kishi vafot etgani, Buxoroda Matiz urib yuborishi oqibatida 58 yoshli velosipedchi halok bo‘lgani haqida xabar berilgan.
Izoh (0)