Korrupsiyaga qarshi kurashish agentligi O‘zbekistondagi 62 ta davlat oliy ta’lim muassasalarining 2021-yilda olgan daromadlari va xarajatlarini ma’lum qildi.
Natijalar ko‘rsatishicha, respublika kesimida eng ko‘p daromadlar Nizomiy nomidagi Toshkent davlat pedagogika universiteti (qariyb 400 mlrd so‘m), Namangan davlat universiteti (320 mlrd so‘m) va Mirzo Ulug‘bek nomidagi O‘zbekiston Milliy universiteti tomonidan (315 mlrd so‘m) shakllantirilgan.
Toshkent shahrida joylashgan eng ko‘p daromad ko‘rgan oliy ta’lim muassasalarining qisqa ro‘yxati quyidagicha:
- Nizomiy nomidagi Toshkent davlat pedagogika universiteti — 399 mlrd so‘m;
- Mirzo Ulug‘bek nomidagi O‘zbekiston Milliy universiteti — 320 mlrd so‘m;
- Islom Karimov nomidagi Toshkent davlat texnika universiteti — 276 mlrd so‘m;
- Toshkent davlat iqtisodiyot universiteti — 237 mlrd so‘m;
- O‘zbekiston davlat jahon tillari universiteti — 210 mlrd so‘m.
Ma’lumot uchun, Oliy ta’lim muassasalarining daromadlari budjetdan moliyalashtirilgan mablag‘lar, to‘lov-kontrakt asosida o‘qitish uchun tushgan tushumlar, rivojlantirish mablag‘lari bo‘yicha daromadlar hisobidan shakllantiriladi.
Avvalroq O‘zbekistonda soliq imtiyoziga ega bo‘lgan korxonalar ma’lum bo‘lgan edi.
Izoh (0)