Қашқадарё вилояти Яккабоғ туманида 31 май куни Lacetti автомашинаси йўлни кесиб ўтаётган велосипед ҳайдовчисини уриб юборди. Бу ҳақда вилоят Ички ишлар бошқармаси хабар қилди.
Қайд этилишича, йўл-транспорт ҳодисаси шу куни соат тахминан 12:30 ларда «Қушчинор» маҳалласи Қушчинор қишлоғи ҳудудидан ўтган М-39 Тошкент—Термиз автомобиль йўлининг 1179-километрида содир бўлган. Э.Ш. Lacetti автомашинасини йўлнинг Термиз шаҳри йўналиши бўйича бошқариб бораётиб, ўнг томонидан чап томонига велосипедда кесиб ўтаётган Б.О.ни уриб юборган.
ЙТҲ оқибатида Б.О. тан жароҳати олиб, Яккабоғ туман шифохонасига ётқизилган.
Ҳолат юзасидан терговга қадар текширув ҳаракатлари олиб борилмоқда.
Аввалроқ Нукусда Damas «пешеход»дан ўтаётган велосипедчини уриб юборгани, Фарғонада 2021 йилнинг етти ой ичида велосипедчилар билан содир бўлган ЙТҲлар оқибатида 29 киши вафот этгани, Бухорода Matiz уриб юбориши оқибатида 58 ёшли велосипедчи ҳалок бўлгани ҳақида хабар берилган.
Изоҳ (0)