Gollivudning taniqli aktyori Rey Liotta 67 yoshida vafot etdi. Bu haqda “Korrespondent.net” nashri xabar berdi.
Qayd etilishicha, aktyor Dominikan Respublikasida “Xavfli suvlar” filmida suratga tushayotgan bo‘lgan va uyqusida vafot etgan.
Liotta AQSHning Nyuark shahrida tug‘ilgan. U 1978-yilda “O‘zga dunyo” filmida debyut rolini ijro etgan. Biroq Rey Liotta Robert De Niro va Jo Peshi ishtirokida “Ajoyib yigitlar” filmidagi Genri Xill roli tufayli mashhurlikka erishdi. Ushbu film unga bir nechta kino mukofotlarini olib keldi. Shuningdek, aktyor “Orzular maydoni”, “Gannibal” va boshqa ko‘plab filmlarda rol o‘ynagan.
2021-yilda Liotta ishtirokida “Nyuarkning muqaddas avliyolari” filmi namoyish etildi. 2022-yilning oxirlarida u Demi Mur va Margaret Kuelli bilan “Modda” filmida suratga tushishi kerak edi.
Izoh (0)