Toshkent—O‘sh avtomobil yo‘lining 233–234-kilometrlarida sodir bo‘lgan yo‘l-transport hodisasi oqibatida ikkita avtomobil ag‘darildi, deb xabar beradi Namangan viloyati IIB YHXB axborot xizmati.
Ma’lum qilinishicha, 27-may kuni soat 19:21 larda Toshkent—Vodiy yo‘nalishida harakatlanib kelayotgan Nexia rusumli avtomashina haydovchisi yomg‘ir kuchli yog‘gani sabab o‘zi bilan bir yo‘nalishda harakatlanib kelayotgan Damas avtomashinasiga borib urilib, YTH sodir qilgan. Avariya oqibatida Nexia pastlikka tushib ketgan, Damas esa ag‘darilgan.
Ta’kidlanishicha, ko‘ngilsiz hodisa oqibatida jiddiy jarohat olgan fuqarolar yo‘q.
Avvalroq Andijonda 20 yoshli haydovchi boshqaruvidagi Nexia ag‘darilgani, Toshkent viloyatida kuchli yog‘ingarchilik Cobalt’ni avtomobil yo‘lidan surib chiqargani, Sirdaryoda yuk mashinasi bilan to‘qnashgan Cobalt yonib ketgani to‘g‘risida xabar berilgandi.
Izoh (0)