Oltiariq tumanida 376 tup ko‘knori giyohvandlik o‘simliklarini parvarishlab kelayotgan shaxs fosh bo‘ldi, deya xabar qilmoqda viloyat IIB axborot xizmati.
Qayd etilishicha, 18-may kuni tuman IIB xodimlari tomonidan o‘tkazilgan tezkor tadbir davomida “Qahramon” mahalla hududida yashovchi Q.O.ning yashash xonadoni xolislar ishtirokida ko‘zdan kechirilgan.
Oqibatda tomorqasida 376 tup ko‘knori giyohvandlik o‘simliklarini parvarishlab kelayotganligi aniqlanib, daliliy ashyo tariqasida olingan.
Holat yuzasidan Oltiariq tumani IIB huzuridagi tergov bo‘limi tomonidan Jinoyat kodeksining 270-moddasi 1-qismi (taqiqlangan ekinlarni yetishtirish) bilan jinoyat ishi qo‘zg‘atilib, tergov harakatlari olib borilmoqda.
Izoh (0)