O‘zbekistonda yo‘llar tirbandligi oshishi va ifloslantiruvchi moddalar, chiqindilarning ko‘payishi aholi salomatligiga, uning mehnat unumdorligiga va mamlakat iqtisodiy o‘sishiga salbiy ta’sir ko‘rsatmoqda. Bu “Daryo”ga Jahon bankining Uzbekistan: The Second Systematic Country Diagnostic hisobotidan ma’lum bo‘ldi.
Infratuzilma va jamoat transportining rivojlanishi avtomobillashtirish va aholi sonining o‘sishidan orqada qolmoqda.
Toshkent va Toshkent viloyati ulushiga respublikadagi yengil transportdan foydalanuvchilarning 26 foizi to‘g‘ri keladi.
Ifloslantiruvchi moddalarning taxminan 65 foizi transport hissasiga to‘g‘ri keladi, ularning umumiy hajmi esa Jahon sog‘liqni saqlash tashkiloti tomonidan belgilangan xavfsiz darajadan sezilarli darajada yuqori.
Rasmiylar jamoat transporti tizimini sezilarli darajada yaxshilamasdan, yo‘l sig‘imini oshirishga e’tibor qaratishda davom etmoqda. Xalqaro tajriba shuni ko‘rsatadiki, bunday yondashuv faqat transport harakatining murakkablashishiga va tirbandlikning oshishiga olib keladi.
Bunday infratuzilma tufayli:
- ish yoki o‘qishga borish va qaytishga sarflanadigan vaqt doimiy ravishda oshib boradi;
- tez va boshqa tibbiy yordam olish qiyinlashadi;
- jamoat transporti samarasi va jozibadorligi pasayadi.
Bu, shuningdek, shaxsiy transportga qaramlikka va aholi jon boshiga ifloslantiruvchi moddalarning ko‘payishiga olib keladi.
Avvalroq O‘zbekistonda internetga monopoliya borligi nimaga olib kelishi haqida xabar berilgan edi.
Izoh (0)