Avvalroq O‘zbekiston yanvar—aprel oylarida asosan qaysi davlatlardan yengil avtomobil import qilgani haqida ma’lumot berilgan. Ushbu ma’lumotlarga ko‘ra, Rossiyadan avtomobil importi keskin kamaydi. Agar o‘tgan oylarda O‘zbekistonga Rossiyadan 300 ta avtomobil olib kelingan bo‘lsa, aprel oyida bor-yog‘i 107 ta bo‘ldi.
Natijada ilgari Rossiya O‘zbekistonga olib kiriladigan avtomobillar soni bo‘yicha Xitoy va Janubiy Koreyadan keyin uchinchi o‘rinda bo‘lgan bo‘lsa, hozir bu o‘rinni Qozog‘istonga boy berib qo‘ydi.
O‘zbekiston Rossiya bilan avtomobil ishlab chiqarish sohasidagi bir necha loyihalar bo‘yicha hamkorlik qiladi.
2020-yili “Uzavtosanoat” va “Folksvagen Grup Rus” Volkswagen va Škoda avtomobillarining yig‘uvini yo‘lga qo‘ygan edi.
2021-yildan beri Jizzax viloyatida Lada Vesta SW, XRAY va Largus avtomobillari yig‘iladi.
Bu loyihalarning barchasi endi sanksiyalar va urush tufayli so‘roq ostida qoldi.
Eslatib o‘tamiz, O‘zbekistondagi Renault avtomobillariga endi nima bo‘lishi haqida xabar berilgan edi.
Izoh (0)