Shahzoda Charlz Ruminiya malikasi Margaret bilan birgalikda Buxarestdagi ukrainalik qochqinlar markaziga tashrif buyurdi. Bu haqda BBC xabar berdi.
“Uels shahzodasi Ruminiyaga ukrainalik qochqinlarni qo‘llab-quvvatlashini namoyon qilish va ularga qanday yordam ko‘rsatilayotganini o‘z ko‘zlari bilan ko‘rish uchun keldi”, — deyiladi axborot agentligi xabarida.
Shu bilan birga, shahzoda Charlz urushni keskin qoralab, uni Ukrainaga qarshi “shafqatsiz tajovuz” deb atadi.
BMT ma’lumotlariga ko‘ra, urush boshlanganidan beri Ruminiyaga 966 ming ukrainalik qochqin kirgan. Eng ko‘p ukrainaliklarni Polsha qabul qilgan.
Avval AQSH birinchi xonimi Jill Bayden Ukrainaga tashrif buyurib, mamlakat prezidentining rafiqasi Olena Zelenskaya bilan uchrashgani, Gollivud yulduzi Anjelina Joli Lvovga BMTning qochqinlar masalalari bo‘yicha elchisi maqomida kelgani haqida xabar berilgandi.
Izoh (0)