Venture Global LNG kompaniyasi Luiziana sohilida AQSHning eng yirik yangi suyultirilgan gaz eksporti zavodlaridan birini qurishini ma’lum qildi. Bu haqda Financial Times xabar bermoqda.
Rossiyaning Ukrainaga bostirib kirishi ortidan global bozor uchun Amerika energiya ta’minotini ko‘proq ta’minlashga urinmoqda. Bu esa olib borilayotgan harakatlardan keyingi tasdiqlangan birinchi loyihadir.
Venture Global kompaniyasining ma’lum qilishicha, quvur liniyasini o‘z ichiga olgan 13,2 mlrd dollarlik loyiha 2022-yilda dunyodagi eng yirik moliyalashtirish operatsiyasi bo‘ladi.
Ta’minot tanqisligi va so‘nggi oylarda neft va gaz narxining oshishi tufayli qazib olinadigan yoqilg‘i loyihalariga investorlarning qiziqishi anchagina baland bo‘lmoqda.
Plaquemines loyihasi yiliga 13 mln tonnadan ortiq suyultirilgan gazni yetkazib beradi. Bu AQSH umumiy eksport quvvatining taxminan 15 foiziga teng.
Ikkinchi bosqich ishga tushirilganidan keyin, zavod quvvatini yiliga 20 mln tonnaga yetkazishi mumkin.
LNG — bu tabiiy gazning o‘ta sovitilgan shakli bo‘lib, uni butun dunyo bo‘ylab eksport qilish uchun kemalarga yuklash mumkin.
AQSH eksportchilari, shu jumladan mamlakatdagi eng yirik Cheniere Energy so‘nggi oylarda Yevropa Ittifoqiga yetkazib berishni ko‘paytirish uchun zavodlarni ishga tushirmoqda.
Venture Global bosh ijrochi direktori Mayk Sabelning aytishicha, Plaquemines’dagi yangi zavod 2024-yilda ishga tushirishga tayyor bo‘ladi. Zavod 2021-yil avgustidan beri “yashirincha qurilishda” bo‘lgan.
Venture Global, shuningdek, o‘z zavodlarida ishlab chiqarilgan umumiy ishlab chiqarish hajmini yiliga 70 mln tonnaga ko'tarish niyatida.
Kompaniyasning ta’kidlashicha, Plaquemines barcha zarur ruxsatnomalarni olgan va loyiha mahsulotining 80 foizini qoplaydigan uzoq muddatli sotish-sotib olish shartnomalarini imzolagan.
Avvalroq Yevropaning Rossiya tabiiy gazini LNG bilan almashtirish rejasi to‘siqlarga uchrayotgani xabar berilgan edi.
Izoh (0)