Ispaniyalik tennischi Rafael Nadal Rolan Garros musobaqasining ikkinchi davrasida Korenten Mute ustidan 6:3, 6:1 va 6:4 hisobida g‘alaba qozondi.
Bu 21 karra chempion uchun “Ulkan toj” musobaqalaridagi 300-g‘alaba hisoblanadi. Ushbu ko‘rsatkich bo‘yicha Nadal faqatgina Novak Jokovich (325) va Rojer Federerdan (369) ortda qolmoqda.
G‘alabalar foizi bo‘yicha Rafaeldan (87,9%) faqat Byorn Borg (89,2%) oldinda, xolos.
“Grunt qiroli” Rolan Garrosning 13 karra g‘olibi hisoblanadi, ispan Fransiya musobaqasida 110 ta o‘yin o‘tkazib, 107 ta g‘alabaga erishgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)