“Milan” hujumchisi Zlatan Ibrahimovich jarrohlik amaliyotidan so‘ng mavsumning yarmidan ko‘prog‘ini o‘tkazib yuboradi.
Shvetsiyalik hujumchi yana chap tizzasidan operatsiya qilindi. Tizza bo‘g‘imdagi harakat buzilishini joyiga keltirish uchun jarrohlik amaliyoti zarur edi.
“Milan” operatsiya muvaffaqiyatli o‘tganini xabar qildi. 40 yoshli hujumchi 7-8 oy maydonga tusha olmaydi.
Oktabr oyida 41 yoshga kiradigan Zlatanning “rossonerilar” bilan shartnomasi 30-iyunda o‘z nihoyasiga yetadi.
Avvalroq milanliklar shvetsiyalik hujumchi bilan shartnomani uzaytirishga tayyor ekanligi xabar qilingandi.
Zlatan 2021/22-yilgi mavsum A Seriyada 23 ta o‘yinda ishtirok etib, 8 ta gol va 3 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)