“Roma” Konferensiyalar Ligasi finalida “Feyenoord” ustidan 1:0 hisobida g‘alaba qozondi.
Rimliklar 2008-yildan buyon ilk bor sovrin yutdi. “Roma” 2007/08-yilgi mavsum Italiya Kubogida zafar quchgandan buyon shohsupaga ko‘tarilmagan edi.
Italiya klubi so‘nggi bor 1961-yilda Yevrokuboklarda g‘alaba qozongandi. Jamoa o‘shanda Yarmarkalar Kubogi sohibiga aylangan.
Shuningdek, “Roma” 2010-yildan buyon Yevrokuboklarda chempionga aylangan ilk italyan jamoasi bo‘ldi.
So‘nggi bor A Seriya vakillaridan “Inter” 2009/10-yilda Chempionlar Ligasini qo‘lga kiritgandi. Joze Mourinyo o‘shanda “nerazzurilar”ning bosh murabbiyi edi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)