Shavkat Mirziyoyev raisligida 26-may kuni sanoat zonalari va yirik investitsiya loyihalari bilan bog‘liq masalalarga bag‘ishlangan yig‘ilish boshlandi. Bu haqda prezident matbuot kotibi xabar qildi.
Qayd etilishicha, joriy yilning o‘zida 2 mingta loyihani amalga oshirish, 110 mingta yangi ish o‘rni yaratish va 1 milliard dollar qo‘shimcha eksportni ta’minlash uchun imkoniyatlar borligi ta’kidlangan. O‘tgan besh yilda 19 ta erkin iqtisodiy zona (ungacha atigi 3 ta bor edi) va 400 dan ziyod kichik sanoat zonasi tashkil etilib, ularda 10 trillion so‘mlik 1 mingdan ortiq loyiha ishga tushirilgan. Natijada 100 mingta ish o‘rni yaratilib, yiliga qo‘shimcha 45 trillion so‘mlik mahsulot ishlab chiqarila boshlangan.
Shuningdek, sanoat zonalaridagi korxonalar yiliga 750 million dollarlik eksport va 1 trillion so‘mdan ziyod soliq tushumlarini ta’minlamoqda.
“Asosiysi, har bir tumanga sanoat kirib bordi, olis va chekka hududlarda yangi ishlab chiqarishlar paydo bo‘lmoqda”, — degan prezident.
Xususan, besh yil avval sanoat umuman bo‘lmagan 11 ta tumanda 205 ta yangi korxona ish boshlab, bugungi kunda ularda sanoat hajmi 2 barobar oshgan.
Mavzuga doir:
- O‘zbekistonda yil yakuniga qadar Rossiya, Ukraina va Belarus bilan ishlayotgan korxonalarga debitor qarzdorlik uchun jarima qo‘llanilmaydi
- “2030-yilga borib O‘zbekiston aholisi o‘rtadan yuqori daromad oluvchi davlatlar qatorida bo‘lishiga erishishni maqsad qilganmiz” — Shavkat Mirziyoyev
- Shavkat Mirziyoyev Investitsiyalar vazirligi hamda Kambag‘allikni qisqartirish vazirligi tashkil etilganidan buyon qanday natijalarga erishilgani haqida gapirdi
Izoh (0)